Врз основа на резултатите од лабораториски анализи објавени од Кризниот штаб, како и по спроведениот процес на хиперхлорирање на водата во јавната водоснабдителна мрежа во Гостивар, ги известуваме граѓаните дека водата е технички употреблива, но не е за пиење.

Водата може да се користи за технички и санитарни потреби (како чистење, миење и слично), но не е безбедна за пиење или подготовка на храна до понатамошно известување.

Ги молиме граѓаните да ја почитуваат оваа препорака и да користат алтернативни извори за вода за пиење.

За секоја промена во однос на квалитетот на водата, јавноста ќе биде навремено информирана.