ЈП Комуналец ги известува сите граѓани дека во наредните денови ќе се спроведуваат засилени теренски контроли на целата територија на Општина Гостивар од страна на овластени лица на ЈП Комуналец, во придружба на општинските инспектори од Одделението за животна средина.

Целта на овие контроли е откривање и спречување на злоупотребата на вода за пиењe, особено за активности како што се наводнување на градини, тревници, како и миење на улици, тротоари, возила и други површини.

Сите случаи каде што ќе биде утврдена злоупотреба на водата ќе бидат предмет на казнени мерки и санкции согласно законот.

ЈП Комуналец апелира до сите жители да постапуваат одговорно и да придонесат кон заштита и рационално користење на водните ресурси, со цел обезбедување непречено водоснабдување за сите домаќинства и деловни услуги во градот.