Во текот на изминатите денови примивме пријави во врска со нерационално и неодговорно користење на водата од страна на домаќинствата и бизнисите.

Овие постапки вршат значителен притисок врз системот за водоснабдување, особено во периоди на зголемена потрошувачка.

Ве информираме дека ќе се спроведуваат засилени теренски контроли и сите констатирани случаи на злоупотреба ќе бидат санкционирани согласно важечките прописи, додека имињата на прекршителите ќе бидат објавени.

Апелираме до сите граѓани да ја користат водата рационално и исклучиво за основни потреби. Водата за пиење е ограничен и витален ресурс и треба да се користи одговорно.