Gjatë ditëve të fundit kemi pranuar raportime në lidhje me përdorimin joracional dhe të papërgjegjshëm të ujit nga amvisëritë dhe bizneset.

Këto veprime ushtrojnë presion të madh mbi sistemin e furnizimit me ujë, veçanërisht gjatë periudhave të rritjes së konsumit.

Ju informojmë se do të realizohen kontrolle të shtuara në terren dhe të gjitha rastet e konstatuara të keqpërdorimit do të sanksionohen në përputhje me rregulloret në fuqi, ndërsa emrat e shkelësve do të publikohen.

Ju bëjmë thirrje të qytetarëve që të përdorin ujin në mënyrë racionale dhe vetëm për nevoja esenciale. Uji i pijshëm është një burim i kufizuar dhe jetik dhe duhet të përdoret me përgjegjësi.