Me rastin e 1 Majit – Ditës Ndërkombëtare të Punëtorëve, NP “Komunalec” njofton për një arritje të rëndësishme për të drejtat e punonjësve të saj.

Pas më shumë se dy dekadash, zyrtarisht është garantuar sigurim shëndetësor për të gjithë punonjësit e ndërmarrjes. Që nga shkurti i vitit 2002, të punësuarit kanë kryer detyrat e tyre në shërbim të qytetit të Gostivarit, pa këtë të drejtë themelore.

Ky vendim përfaqëson korrigjim të një padrejtësie të kahershme dhe një hap të rëndësishëm drejt garantimit të sigurisë dhe mirëqenies së punonjësve.

NP “Komunalec” shpreh mirënjohje të thellë për përkushtimin dhe qëndrueshmërinë e stafit të saj ndër vite.

Ju faleminderit për qëndrueshmërinë dhe përkushtimin tuaj të palëkundur ndër vite, edhe kur sistemi nuk arriti t’ju mbrojë.

Gëzuar 1 Majin të gjithë punonjësve dhe familjeve të tyre.