Ndërmarrja publike “Komunalec” u bën thirrje të gjithë shfrytëzuesve që të kryejnë në mënyrë të rregullt dhe në afatet e përcaktuara pagesën e faturave për shërbimet e furnizimit me ujë dhe mbledhjes së mbeturinave, me qëllim të ofrimit të pandërprerë dhe përmirësimit të vazhdueshëm të shërbimeve komunale.

Ju njoftojmë se mospagesa e faturave vijuese dhe borxheve paraprake për shërbimet e furnizimit me ujë dhe mbledhjes së mbeturinave brenda afateve të përcaktuara do të rezultojë me zbatimin e masave ligjore, në përputhje me legjislacionin në fuqi.

Detyrimet e papaguara do t’i nënshtrohen procedurës së përmbarimit dhe do t’u kalojnë për ekzekutim përmbaruesve të autorizuar.

Pagesa e rregullt e faturave komunale kontribuon drejtpërdrejt për një mjedis më të pastër dhe një furnizim të qëndrueshëm dhe të besueshëm me ujë.

KRYENI PAGESËN E FATURAVE PËR TË SHMANGUR PASOJAT LIGJORE!